Kapi tcikatesinik odoshtcigewinya Canada Council ka ijinkanaginiyatc ayi odja Ehgi ndinjamowatc apitendagonik an- minigik ima shonia eh atek Anishnabe odoshtcigewin odja kidja kinendagonik wewenda.

Mi odi eh-ikiditc Simon Brult, ka minjak CEO Canada odja, anishnabe kinendasini mamowi Odile Joanette, mi awedi ka minjak ojitcigadenik, kidja kendagonik actic lidja paba wabidiyetc weni ojitcigewini. Anishnabe eh-ijanagonik odishtigewin, mamowi odotimitawin, mamowi gotc kina aptowizik eh-ijanagonik ka noshtowatc.

Nijinik dish ka kijigabidik kegoni Canada Council odja -pajik anishnaber pejik wabishkiyeh.- tedigo kinoweh niwidokadadimin kidja mamowi odimtayak. wedi kagi pi ikidinanok nigan nagon nogom kidja widja odimtamidiyatc anishnabek mamowi anmitcigoshik nigan. tedigo actic apitendagon kegon mikimak ishpin kishka ojisidowiyak kidja widokaginiyatc anishnabek, aptowizik mamowi kodigik anishnabe ka inegizitc.

mi oma eh-odabiksik kidja widokaziyatc kinendasinikkidja kopiyodomowatc anishnaben eh ija tebwowetimindjin antic kinah kegoni ka midjimendik anishnabe,mamowi kodtc apitowizik mamowi kodigik ka inehgizitc anishnabe nimingomin wedi kinah kegon kidja kendimak kidja klishka ojitowat wewenda kidja kinendjigadel anishnabe odoshtcigewin, odi nigan, - pejik kegoni ka niganikidimowatc actic ke ojisidowatc, kidja kipiyodimowatc kinah ejinagonik anishnabe odoshtcigewiniya kina oma okitkimik. mi wedi ka tebwetimowak kidja mino tyiniziyatc anishnabek eh ijagabweyatc oma okitkimik, kinesh kidja madizimiginik oma akikak. 

Kinendasiniki wenik, ogik kinonanwan Archipel ka iojinkazindjin kodigik ka ndinjamowatc kegoni kewinwa, ikwek ima niganiyok kidja niganikidimowatc weni odimtawini. Anishnabe ogi niganikidan kidja kijigamawadjin wendin odimtawini, Archipel dish kina anishnaben eta ogi widokowan oma kina Canada okitkimik. tedigo kitchi gwenatc nidinanan kina awik kagi widokazitc oma kidja atok eh-ija kendik.

kagi kendimak wedi megwatc eh noshtowak

Ehgi ndinjamowatc apitendagonik an- minigik ima shonia eh atek Anishnabe odoshtcigewin odja, tedogo nimanetonanankegon oma kegon kidja atowak. wabidimin yedi, part 5 yedi miziniganikak, (nigan odi) kiga wabidan ima adi keh ija ojisidowin wewenda adi ke inabidik shonia anishnabe kinendasowin odja. kidja wabidiyaginitc kina shonia kinendasinik oma okitkimik Canada, 

aji nanda nagoni eh abidjitowatc weni kinendasinik ka ija ojitowatc, kendimowatc mamowi ke wabidigetc weni odja. Anishnabe odoshtcigewin odinabidjitowin, aptowizik mamowi kodigik anishnabe eh-inegizitc. wedi ka ojitcigadek anishnabe odja, kawin oma abidisinon kegon kidja pikanendjigenanomkm mamowi, oga widokagon anishnabe kinendasinik kina awesh/ anish yedi odimtawin ka ija ojitcigadek , kendagok mamowi wabidigenanok ka ijinkadek, kinendasinik o0widokowan anishnabek eh ija kishkitondjan, ka miyodowatc midinendjigani, ka widigabowitowadjin awin, mamowi awin ka wi-kinendimowatc anishnabe ijigijewin- mi-oma eh ija wabidimowatc kinendasinik mamowi gots shonia kinendasinik. megwatc weni eh ija widokazitc kinendasini, nigi kendananan panama kidja wi-odimtamak anishnabek kidja madjiskamigik kinoweh wedi odimtawin.

kodigin ke ija widokazinanok megwagtc kinendasinik oda-tija ojisidonawa, mamowi kotc giyendik anishnabek kapi odiseyatc sawanik nekenah. kinendasinik gendik ogononawan ehdi anishnaben kidja kendimowatc adi win ehsehnik edi nekehnah. mamowi gotc ka widjodimtamadjin ndidnijigewinik edi nekenah, ahi odja, ka ojitowatc wedi ka ijinagonik odimtawini Yukon ogimanodagininik, kidja widokowadjin anishnabe ka miyodondjin weni. nabowadin yedi adi keh ija kishka widokotc anishnabek edi sawanik nekenah. 

nanda oma keh nabowadimin, panima oga pabitonawa megwatc eh-ma ojisidjigadek. kinendasinik misowatc oga gweshtonawa kidja minobidenik anishnaben kidja minjakacitc kidja kishka abidjitowatc. kinoweh kida wedini kidja kendimowatc weni shonia kinendasinik kawi widokazowatc. kinah kidja nodjigadek, kegon kendagok kida abidin oma, kegon kweksek, kida kinondiyok actic kidiwidokidadiyok anishnaben awin.

nigan odi keh mosekidimowatc, kinendasinik panama ona notc kida odimtayok. ndendagini anishnabe ehija wabidik kidja wewenda kopiyodimowatc anishnaben odoshtcigewinya mamowi eh ija midjimendimowatc odinishnabewinya.

kodik ke todimowatc kinendasinik

Megwatc, ndinjamowatc apitendagonik an- minigik ima shonia eh atek Anishnabe odoshtcigewin odja kidja kinendagonik wewenda. kinendasinik odja, apitendagoni weni kidja kendimowatc shoniani ka kijigabidimowatc. tapishkotc, kida wabidigeyok kinendasinik kina awesh, shonani notc ka kijigabidimowatc, mamowi odinakonigewinya ndinjigewinik - kina oma okitkimik kan eta Canada,

mi wedi keh mamowisegowak, ishpin mamowi widja odimtamidiyak, ishpin kodik kego oshkeyi pidigemigik ka ndinjigenanok kawin kigishka tosinanan mintcikenowet: panima gotc niga widjo odimtadiman kidja nikwetowak anishnabek ka modowatc weni.

niga atonanan eh ija widokaziyak kinendjigadek wedi anishnabe odoshtcigewinya kozabidjiginikak kidja wabidjigadek, mamowi eh ija widokowak ka ikidomgik, 2021-26 ka nigansidowak nidodimitawin nan. 

odimtawin wedi kida tibadjimomigan odi nigan nimingomin ke inabidjitowak kidja wibitc nigiyomigik anishnabe agwa minowatc kidja siniginik ke-ija kinendimowatc odoshtcigewinya mamowi eh ija madiziyatc.

wedi dish mizinigan, niwabidananan kidja minosek eh ija wabidimak aji dish acetic notc eh kendimak kinoweh kidja minosek adi panama ke todjigadek kidja oditimak ima.

Auteur :

Simon Brault

ka niganikidik, mamowi CEO Canada kinendasinik anishnabe odoshtcigewin odja.

Odile Joanette

ka niganikidik, ojitcigewini, kidja kendagok kegon mamowi kidja wabidigetc. Anishnabe ka kijendik odinabidjitowin, aptowizik mamowi kodigik anishnabek odimtawini.